رائعه تكتمل بحضوركم ..
ما قلت لي شي وش خليت ما قلته
.......................................... أسكت وخل الكلام لجرحي الدامي
لو غيرك اللي يسولف ما تحملته
.......................................... لكن على شان عينك هانت آلامي
للحب مفهوم عمرك ما تخيلته
.......................................... ما أظن يستوعبه تفكيرك السامي
هذا الفراق الطويل وهاذي أسئلته
.......................................... هذا حصاد السنين وهاذي أيامي
ياما وياما عليك البال طولته
.......................................... والعمر عدى وأنا عايش على أوهامي
حتى طريق الفراق اللي تساهلته
.......................................... لقيته أصعب على نفسي من إقدامي
اصبر علي شوي لو دمي تثاقلته
.......................................... بحاول أستوعب اللي صار قدامي
الحب ضحكه بعينك بس ما طلته
.......................................... عمرك بالهكون شفت أبسط من أحلامي
القلب لو ما خفق لك كان ما شلته
.......................................... لو ما أنت ملهم قصيدي جفت أقلامي
هذا قصيدي بعينك لو تجاهلته
.......................................... ينزف على شان يروي قلبك الضامي
العام طاري غيابك ما تقبلته
.......................................... واليوم حرماني أصبح مصدر إلهامي
لا تعتذر لي وابنسى كل ما قلته
.......................................... وش ينفع العذر لا من ضاعت أيامي
الإثنين يونيو 08, 2009 11:55 am