الرئيسيةالتسجيلاليوميةس .و .جبحـثالأعضاءالمجموعاتدخول

شاطر | 
 

 قصة بنت مضحكه ```

اذهب الى الأسفل 
كاتب الموضوعرسالة
بنت الدلع
عضو مميز
عضو مميز
avatar

تاريخ التسجيل : 03/05/2009
المشاركات : 91
عدد النقاط : 129
الاقامة : الكليه < لله ياخذها وإفتك منها
المزاج : معــــــسبه

مُساهمةموضوع: قصة بنت مضحكه ```   الأربعاء مايو 06, 2009 2:36 am

هذي قصه منقوله لبنت تحكي عن نفسها وتقول :



( ابــشـــركـــم انـخـطـبـت )



كنت قاعدة اتفرج عالتلفزيون ... متابعة مسلسل ..



وجا مشهد زواج وحدة من الشخص اللي تحبه من زمااااان ...



قلبت القناة على قناة ثانيه ...



لقيت عرض أزياء فساتين عرايس...



قلبت القناة .. لقيت خطوات وضع مكياج العروس ...



سكرت التلفزيون وجريت الونة " تنهيدة كبيرة " تشقق الصدر



التفت علىّ ابوي اللي نسيت تماما انه كان جنبي ... قال لي ابوي :



خير إن شاء الله يابنتي ؟! وش فيك ؟! عسى ماشر ؟!



انا تلخبطت ساعتها وفتحت له التلفزيون وقعدت ساكتة ...



ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ...



اقول له ان صاحباتي اغلبهم تزوجوا ؟؟؟



وإلا أقول له إني تمنيت أكون مكان بنت خالي في كوشتها وفي الزفة أمس ؟



يقطع الدراسة وسنينها ياشيخ ...



اوف والله غثا .. يا بخت جداتنا ماتطق الوحدة العشر سنين إلا هي مخطوبة ..



وعلى 12 اعرست ..



وان وصلت البنت 18 ما اعرست قالوا عانس !!!



هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ...



أخخخ .. يُبه الله يفتح عليك وتخليني اعرس ... وتفكني من الدراسة ...



وساعة انا غارقة في قاع هذي الهواجيس ويرن التلفون ويقطع حبل افكاري ...



طالع الرقم ابوي وقال رقم غريب ... رد بلهجة رسميه :



- وعليكم السلام .....


الله يسلمك .....



الحمد لله بخير .....



ايه أنا أبوفلانة ( ماني بقايلة لاحد عشان محد يعرفني ويضحك علي ) ....



لا منت غلطان انا هو ...



ماعليك زود الله يسلمك ...



من معاي ياخوي ماعرفتك ...



والنعم .... تفضل وش السالفة اللي تبيني فيها ؟....



لا ماني مشغول ...



لهالدرجة الموضوع مهم ؟!...



تفضل تكلم شغلتني ...



والتفت ابوي علي وعطاني نظرة غريبة ..



انا ساعتها قرصني قلبي مو من ردود ابوي بس من نظراته الغريبة ..



رد ابوي على المتصل : وش فيها زود طيب ؟...



لا بس مافيها أي ميزات عن الباقي ...



اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل ..



رد ابوي على المتصل : طيب وبعدين ... أيوه ....



طيب وش اسمك الكامل ؟



وش تشتغل بالضبط ؟



طيب من دلك علي وعطاك رقمنا ؟



لا الموضوع يا ابني مو بهالبساطة ....



العملية مش بيع وشرى وبس ...



الواحد لازم يسأل كثير ويحرص قبل يقدم على أي خطوة ...



لا موضوع انك تجي لبيتنا خليها بعدين ...



لين أسأل عن كل صغيرة وكبيرة ...



لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..



انا كنت اتابع حركات ابوي وانا متشققة من الفرحة ...



أخيرا انخطبت وبتزوج مثلي مثل غيري ...



يوووووه أخيرا بلبس فستان أبيض منفووووووش



أخيرا بطلع أجهز واتقضى للزواج ...



بسوي زواج كبير مررررررة



وبحط زفة ريميكس وطرحتي مابيها خليجية بخليها مبتكرة ...



منيرة ماني بعازمتها هي وخواتها .. ماعزموني الأسبوع اللي فات على الدي جي اللي سووه ...



وحصة صديقة امي ماني بعازمتها بعد مطوعة مالي خلقها تحوسني لو حطيت اورج ...



وبشتري أغراض واشيل واحط واخطط ... بيصدع راسي بس ولو لذيذ هالصداع ...



يوم قفل الخط ابوي التفت علي وهو مبتسم ابتسامة تعجب وهو ساكت ... قلت :



- هاه يبه ؟ متى بيجي يشوفني ؟









- منهو



- هذا اللي خطبني تو(الحينه)



- وشو؟!



- خطيبي اللي تو (الحينه)



- تموووووونين انتي ووجهك صار خطيبك على طول ماعندك وقت ..



- ايه يبه ترا احذرك هالمرة شف تفركش العريس .. مثل مافركشت ولد أم مساعد العام الماضي .



للحين تراها حازة في نفسي ..



ترا هالمرة بضرب عن الدراسة ...



والا الاكل مقدر اضرب عنه ...



وجع يبه بعنس من تحت راس فعايلك بخطاطيبي ...



والرسول حث على تزويج من ترضون دينه وخلقه ...



وهذا الخاطب قايل قلبي انه أجودي .. ترا ما اعرفه بس اتوقع انه كذا...



وترا العرس أهم من الدراسة عشان الجنس البشري ماينقرض ....



وبعدين من قال لك اني ماني بمكملة دراستي والله بكمل .



حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .



- هي انتي وين رحتي ... حدك حدك لا تشطحين !!!



- وش اشطح ؟!



هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة



- أي عريس وأي هم؟؟!!



انتي مصخنة ؟؟



هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..



قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو...



انا لا تسألون عن وجهي ...



الله يقطع أم العجلة اللي تعرفونها .... Very Happy
انشاء لله تعجبكم مع تحياتي ```` Embarassed
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: قصة بنت مضحكه ```   الأربعاء مايو 06, 2009 4:34 am

هههههههههههههههههههههههههه
هههههههههههههههههههههههههههه

يعطيك العافيه اختي(((.. بنت الدلع.. ))) قصه مررررره حلوو استمتعت فيها ..
الرجوع الى أعلى الصفحة اذهب الى الأسفل
بنت الدلع
عضو مميز
عضو مميز
avatar

تاريخ التسجيل : 03/05/2009
المشاركات : 91
عدد النقاط : 129
الاقامة : الكليه < لله ياخذها وإفتك منها
المزاج : معــــــسبه

مُساهمةموضوع: رد: قصة بنت مضحكه ```   الخميس مايو 07, 2009 3:33 am

[i] يسلموووووو على المرور الطيب والتعليق الاجمل ```
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مساعد
VIP
VIP
avatar

تاريخ التسجيل : 07/04/2009
المشاركات : 449
عدد النقاط : 539
الاقامة : بعد الاذان
المزاج : رايـــق

مُساهمةموضوع: رد: قصة بنت مضحكه ```   الخميس مايو 07, 2009 7:06 am

هههههههههههههههههههههههههههههههههههه lol!


تقبلي مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دانه العشاق
VIP
VIP
avatar

تاريخ التسجيل : 11/05/2009
المشاركات : 661
عدد النقاط : 976
الاقامة : قصيمنا ولا احلى
المزاج : هادئه

مُساهمةموضوع: رد: قصة بنت مضحكه ```   الثلاثاء مايو 12, 2009 5:32 am

ههههههههههههههههههههههههههههههههههههههههههههه













تقبل مرور خينس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة بنت مضحكه ```
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات  :: .•:*¨`*:•. ][ دوائِـــرُ ضَــــوء ][.•:*¨`*:•. :: .:: القصص والرويات ::.-
انتقل الى: